Алендронатот значително го намалува ризикот од кардиоваскуларни проблеми кај пациенти третирани со бисфосфонати по фрактури на колкот, покажала новата студија.
Во бисфосфонати, лекови за остеопороза, се вбројуваат етидронат, памидронат, алендронат, ризедронат, тилудронат, ибандронат и золедронат.
Резултатите покажале дека алендронатот ја намалува смртноста кај кардиоваскуларните заболувања за 67 отсто и ризикот од срцев удар за 45 отсто.
Бисфосфонатите кои содржат азот се препорачуваат за секундарна превенција на фрактури на коските кај пациенти, кои се изложени на поголем ризик од фрактури на коските.
Сепак, бисфосфонатите недоволно се користат во целиот свет поради загриженоста на пациентите за потенцијални несакани ефекти, пишува „Journal of Bone and Mineral Research“.
