Освен листовите и семките на билката, достапни се и други облици во кои може да се консумира – никулци и концентриран прав. Во една шолја свежи никлуци има само осум калории, а нејзините хранливи состојки во најголем процент се протеини.
Алфалфа е богат извор на хлорофил – природна состојка која е позната по своето алкализирачко и прочистувачко дејство на организмот. Неговата способност за отстранување на тешките метали како живата од организмот го прави моќен исцелител. Затоа алфалфа се користи за опоравување и за чистење на организмот по земање лекови и за време на лекување на зависностг од алкохол. Познато е дека киселоста на организмот може негативно да вијае на здравјето бидејќи го поттикнува размножувањето на бактерии, вируси, паразити и габи. Хлорофилот го алкализира организмот.
Алфалфа е десет пати побогата со минерали од поголемиот број житарки и исклучително е богата со калциум, магнезиум, желези, калиум и фосфор.
Оваа суперхрана содржи висок витамини (Е, Ц, Д, К, каротен, витамини од Б). Извор е на фитоестрогени хормони кои поволно делуваат кај жените со хормонални пореметувања, односно поседува естроген ефект. Податоците од спроведените научни испитувања покажуваат дека алфалфа го намалува нивото на холестеролот и ризикот од појава на атеросклероза, а има и диуретски и хипогликемичен ефект. Поволно делува кај нарушувањата поврзани со дигестивниот тракт, бубрезите, зглобовите, коските, кожата и циркулаторниот систем.
