Алкохолниот хепатитис ги опфаќа оштетувањата на црниот дроб кои настануваат под влијание на алкохол. Оваа болест најчесто се јавува кај лицата кои консумираат жестоки пијалоци долги години. Односот помеѓу алкохолот и алкохолниот хепатитис е многу сложен. Не секој алкохоличар развива алкохолен хепатитис, а болеста може да се појави и кај лицата кои умерено пијат алкохол.
И во двата случаи, доколку биде дијагностициран алкохолен хепатитис, пациентите мораат да престанат да консумираат алкохолни пијалоци, бидејќи во спротивно, ризикуваат да заболат од повеќе сериозни оштетувања во облик на цироза или затајување на црниот дроб.
Благите облици на алкохолниот хепатитис вообичаено не развиваат сериозни проблеми, но доколку болеста напредува и црниот дроб е сѐ повеќе оштетен, постои голема веројатност да се појават сите симптоми на болеста:
- Губење на апетитот
- Мачнини и повраќање
- Болки и осетливост во абдоменот
- Грозница
- Болни отечени места кои настануваат заради собирање на течности
- Ментална конфузија
- Замор
- Зголемен и надуен црн дроб
- Затајување на црниот дроб
Вообичаено, здравите лица можат во еден ден да метаболизираат најмногу 180 грама алкохол, а поголема доза од 80 грама може да биде опасна.
