Се проценува дека околу 15 отсто од жителите патат од повремени мигренозни главоболки. Некои намирници како што се чоколадото, месните преработки и постарите сирења можат да предизвикаат напад на мигрена, а една неодамнешна студија покажала дека алкохолните напитоци ги зголемуваат шансите за појава на мигрени кај личностите склони на овој проблем.
Во истражувањето учествувале 2197 испитаници кои повремено имале мигрени. Испитаниците пополниле прашалник кој се однесувал на нивното консумирање алкохол во текот на последните три месеци.
Се покажало дека кај една третина од испитаниците алкохолот доведувал до напад на мигрена во рок од само 3 часа. За 77 отсто од испитниците, црното вино е најчест причинител за мигрена. После црното вино, алкохолните напитоци за кои постои најголема шанса да предизвикаат напад на мигрена се белото вино, шампањското, пивото, вискито, румот и на крајот водката. Се покажало и дека овој ефект на алкохолот почесто се изразува кај личностите со понизок индекс на телесна маса, под 18,5.
