Со децении слушаме за штетноста на алкохолот, се разбира, доколку се претерува. Но алкохолот може да биде и добар за вашето здравје, се разбира, ако се внесува во умерени количини!
Чаша за поздраво срце
Чаша црвено вино на ден може да му помогне на срцето. Антиоксидантите од виното го намалуваат лошиот холестерол во организмот. Со чаша црвено вино на ден ќе го спречите запушувањето на крвните садови.
Ќе живеете подолго
Многу алкохол не е на арно, но една чаша може да го продолжи животот, тврдат научниците. Имено, истражувањата покажуваат дека чаша алкохол дневно го намалува ризикот од смрт за дури 18 проценти.
Мозокот работи подобро
Го знаете она – Што трезен мисли, пијан кажува! Е сега не треба да се налевате за да кажете се што ви е на душичката, но една чаша алкохол ќе му помогне на вашиот мозок да се опушти, да ги отфрли непотребните мисли. Така се намалува стресот, а мозокот дефинитивно подобро работи кога не сте под стрес.
