Алкохолот во крвта се задржува 6 часа, а во некои делови од телото и до 90 дена!

Алкохолот во организмот се разградува во црниот дроб и тоа со помош на ензимот алкохол-дехидрогеназа. Количеството на овој ензим во црниот дроб зависи од тоа колку често јадеме и како се храниме.

„Ефектите на алкохолот ги чувствуваме многу побрзо ако пиеме на празен желудник, бидејќи тој подолго се задржува во крвта и посилно влијае на мозокот“, вели д-р Џорџ Куб, директор на Националниот институт за злоупотреба на алкохол во САД. Ова е јасно, но дилемата е колку долго всушност алкохолот се задржува во организмот? Разградувањето трае различно кај секој поединец.

Според Куб, на повеќето луѓе им треба еден час за да разградат половина од пијачката, односно околу 30 милилитри. А колку долго алкохолот ќе остане во телото зависи од метаболизмот и тежината.

Според американската мрежа на центри за лекување зависности, пак, алкохол може да се открие во крвта и шест часа подоцна, од 12 до 24 часа во здивот, урината и во плунката, а во косата се задржува и до 90 дена.