Американските научници од Медицинскиот центар „Georgetown University“ во Вашингтон успеале да развијат едноставен дијагностички тест, кој помага да се предвиди дали ракот на мочниот меур во почетен стадиум ќе стане инвазивен и дали ќе се појави повторно.
Се верува дека овој нов тест ќе ги намали трошоците за здравствена заштита за пациентите со рак на мочниот меур и ќе ги спречи случаите на прекумерно лекување.
Интересно е што во САД, лекувањето на ракот на мочниот меур создава највисок трошок по пациент во здравствениот систем.
Новиот тест ја следи експресијата на STAG2 генот, кој е клучен за развојот на потенцијално опасни тумори. Затоа, кај STAG2-негативни пациенти нема да мора да се применува агресивен начин на лекување на ракот на мочниот меур, пишува „Clinical Cancer Research“.
