Вакцинацијата против КОВИД-19 во светот почна кон крајот на декември 2020 година, а од тогаш и понатаму се следи безбедноста на вакцините и се набљудуваат несаканите реакции.
Проектот за следење на подготвеноста на вакцините против КОВИД-19 (ACCESS) во Европа, поддржан од Европската агенција за лекови (ЕМА) вклучува протокол за проценка на позадинската стапка на состојбите кои претставуваат потенцијални штетни случувања од посебен интерес (AESI).
Голема студија од Шведска информира за популациските, возрасните и полово специфичните стапки на инциденцата на состојби кои претставуваат потенцијално штетни случувања поврзани со вакцината против коронавирусот. Истражувањето е објавено на medRxiv.
КОИ ПОТЕНЦИЈАЛНО ШТЕТНИ СЛУЧУВАЊА СЕ АНАЛИЗИРАНИ?
Авторите ги избрале и анализирлеа следниве исходи врз основа на информации од регулаторните тела и претходни студии: фебрилен напад, асептичен менингитис, Кавасаки синдром, артритис, пост-инфективен артритис, миокардитис, миокарден инфаркт, АРДС, мозочен удар, хеморагичен мозочен удар, исхемичен мозочен удар, венска тромбоемболија, бубрежна инсуфициенција (затајување), белодробна емболија, затајување на црниот дроб, мултиформен еритем, автоимун тироидитис, дисеминирана интраваскуларна коагулација и воспаление на слепо црево.
Студијата открила дека ризикот од потенцијално штетни случувања или состојби како што се воспаление на слепо црево, авотимун тироидитис, асептичен менингитис, Кавасаки синдром, се зголемува со годините.
НАЈЧЕСТИ НЕСАКАНИ РЕАКЦИИ
И друга студија, објавена во списанието The Lancet, ја анализирала појавноста на нуспојавите според возраста и полот и според некои други критериуми. Со студијата се опфатени над 60.000 лица, а биле истражувани несаканите реакции по вакцинацијата со Фајзер ии АстраЗенека.
Истражувачите откриле дека најчесто пријавени несакани ефекти биле замор и главоболка. Овие несакани ефекти се појавиле во рок од 24 часа по вакцинацијата и траеле во просек по еден ден.
Чувствителноста и локалната болка околу местото на инјектирање беа најчесто пријавуваните локални несакани ефекти и исто така траеле во просек еден ден. Други несакани ефекти, вклучително и алергиски кожни реакции, како што се пецкање на кожата, осип и црвени дамки на усните и лицето, биле пријавени од 10.860 (1,7%) од 627.383 корисници со двата вида вакцини, се вели во студијата.
Истражувачите исто така наведуваат дека несаканите ефекти биле значително почести кај жените отколку кај мажите и кај лица на возраст од 55 години или помлади во споредба со повозрасни од од 55 години.
