Систематски преглед и метаанализа на три човечки коронавируси сугерираат дека лицата заразени со вирусот SARS-CoV-2 кој предизвикува КОВИД-19 најверојатно ќе биде многу заразен во првата недела по појавата на симптоми. За разлика од КОВИД-19, избивањето на САРС и МЕРС го предизвикале вируси кои подоцна го достигнале пикот и тоа е веројатно причината зошто пандемијата со КОВИД-19 побрзо се шири во заедницата.
Се чини дека вирусното оптоварување на коронавирусот SARS-CoV-2 го достигнува пикот во горните дишни патишта рано во текот на болеста, од појавата на симптоми до петиот ден, додека SARS-CoV и MERS подоцна го достигнуваат оптоварувањето; тоа би можело да биде и причината зошто пандемијата КОВИД-19 побрзо се шири.
Досегашните докази за вирусот SARS-CoV-2 укажуваат на образец на деветдневен период на заразност. Со оглед дека студијата проучува само потврдени случаи, а не оние кои можеби биле изложени, не може да понуди увид во препорачаното траење на карантинот.
Иако се чини дека вирусните оптоварувања се слични меѓу луѓето заразени со коронавирусот SARS-CoV-2 кои развиваат симптоми и оние кои ги немаат, повеќето студии укажуваат на тоа дека асимптоматските лица можат побрзо да го исчистат вирусот од телото и дека можат да бидат заразни пократко време.
Иако генетскиот материјал на вирусот SARS-CoV-2 се уште може да се открие во респираторните примерови или примероци од столицата и по неколку недели, во примероците собрани по девет дена од почетокот на симптомите, не е пронајден жив вирус кој може да предизвика инфекција, пишува во систематскиот преглед и метаанализата на три човечки коронавируси, објавена во списанието The Lancet Microbe.
Наодите се во склад со студиите за барање на контактите, кои сугерираат дека повеќето случувања на вирусната трансмисии се јавуваат многу рано, а посебно во првите пет дена од појавата на симптоми, што укажува на важноста за самоизолација веднаш откако ќе почнат симптомите“, вели главната авторка, д-р Муге Севик од Универзитетот Сент Андрус во Велика Британија.
“Исто така, мора да ја подигнеме свеста кај јавноста за распонот на симптоми поврзани со болеста, вклучувајќи ги и благите симптоми кои може да се јават порано во текот на инфекцијата од оние поизразените како кашлица или треска“, додава таа.
Истражувачите опфатиле 98 студии од пет или повеќе учесници: 79 од нив се фокусирале на SARS-CoV-2, осум на SARS-CoV и 11 студии на MERS-CoV.
Ниту една студија вклучена во овој систематски преглед не успеала успешно да изолира жив вирус по деветтиот ден на симптоми во било кој вид на примероци. Неколку студии успешно изолирале жив вирус од примероци на столица, а улогата на орално-фекалниот пренос за SARS-CoV-2 останува нејасна.
“Овие откритија сугерираат дека во клиничката пракса можеби нема да биде потребни да се повтори ПЦР тестирање за да се утврди дека пациентот веќе не е заразен“, вели д-р Севик.
Најголемо вирусно оптоварување со коронавирусот SARS-CoV-2 откриено е рано во текот на болеста, кога симптомите ќе се јават или пред петтиот ден од појавата на симптоми. Спротивно на тоа, вирусните оптоварувања кај САРС и МЕРС достигнувале максимум десет до 14 дена односно седум до десет дена по појавата на симптоми.
АСИМПТОМАТСКИ СЛУЧАИ
Само 12 студии известиле за асимптоматски лица заразени со вирусот SARS-CoV-2, а шест од нив истражувале и колку брзо луѓето го исфрлиле вирусниот материјал од своето тело.
“Иако се чини дека оптоварувањата со вирусниот РНК главно се слични кај луѓето со и без симптоми, неколку студии сугерираат дека асимптоматските пациенти би можеле побрзо да го исчистат вирусниот материјал од телото“, вели д-р Селик.
Неколку студии откриле дека луѓето со асимптоматска инфекција можат побрзо да се ослободат од вирусот, што сугерира дека оние без симптоми може да бидат исто заразни како и оние со симптоми на почетокот на инфекцијата, но можат да бидат заразни за пократко време.
