Следењето на пациентите вакцинирани против КОВИД-19 во Израел покажало дека помеѓу оние кои ја примиле вакцината на Фајзер имало шест случаи на реактивација на херпес зостер кај пациенти со автоимуни воспалителни болести како реваматоиден артритис, васкулитис и миозитис.
Најголема прашина се крева околу појавата на венска тромбоза и тромбоцитопенија по вакцинирањето со АстраЗенека и тоа најмногу кај млади жени. Имено и студиите покажуваат дека нуспојавите од вакцините кај жените и онака се значајно почести. Студија на Американскиот центра за контрола и превенција на болести покажала дека 78 проценти од несаканите ефекти се пријавени кај жени веќе во првиот месец од вакцинирањето против коронавирусот.
Друга студија покажала дека од 16 лица кои имале анафилактичен шок по вакцинирањето, 15 од нив биле жени. Тоа е во насока на студија правена во 2013 за вакцината против свински грип, која покажача дека половите хормони ја прават разликата во чувствителноста на вакцина помеѓу мажите и жените.
ШТО Е ОТКРИЕНО
- На мРНА вакцините како Фајзер и Модерна, можна е алергиска реакција, е причината е PEG, односно полиетилен гликол, состојка во која се наоѓа чувствителната молекула мРНА.
- Меѓу оние кои ја примиле вакцината Фајзер во Израел, имало шест случаи на реактивирање на хепрес зостер кај пациенти со автоимуни воспалителни болести.
- Кај векторските вакцини, каква што е АстраЗенека, откриена е многу ретка можност за предизвикување на серизони проблеми со крвни згрутчувања, односно појава на венска тромбоза и тромбоцитопенија.
Имено, естрогенот го поттикнува организмот на создавање на повеќе антитела, што доведува до поголем имунолошки одговор, а тогаш и до побурни реакции.
