Од симптоми како чешање и чувствителност, па се до крварење и болки, аналните тегоби се изненадувачки чести. Доброто во ваквите ситуации е што главно лесно се лекуваат или се решаваат со помош на едноставни мерки. Кога станува збор за крварење, сепак треба да се обратите на лекар кој ќе го исклучи секој сериозен основен причинител, како што е рак на ректумот.
Многу од овие тегоби се поврзани со цревени проблеми, особено со оние кои предизвикуваат запек, пролив и хемороиди. За појава на овие проблеми може да придонесат и недоволна хигиена, габични инфекции (кандида), глисти, пречувствителност на храна и кожни алергии.
Дел од овие тегоби може да се избегнат со консумирање на голема количина на овошје, зеленчук и интегрални житарки, како и со пиење многу течности. На тој начин, во организмот се внесуваат влакна и течности, кои помагаат во спречување на појава на запек, како и хранливи состојки потребни за одржување на цревата, анусот и кожата во аналното подрачје. За да ги спречите аналните тегоби носете памучна долна облека и секојдневно менувајте ја. Ако имате чувствителна кожа или сте склони кон алергии кои предизвикуваат чешање или црвенило на кожата, за лична хигиена користете непарфимирани производи.
Чешањето и чувствителноста може да се ублажат и со овие мерки:
Внимавајте кожата околу анусот секогаш да биде чиста и сува. Не се чешајте во аналното подрачје. Два пати на ден на тоа место нанесете маст од невен. Еднаш во денот, 10 до 15 минути седете во плитка купка со топла вода во која сте ставиле една лажица колидно зобено брашно или три капки масло од лаванда. Наизменично применувајте жешки и студени купки, освен ако кожата не е оштетена. Низата завршете ја со студена вода.
Зајакнете го имунитетот со внесување на витамини А и Ц со флавоноиди, цинк… Ако и по неколку дена не се подобри состојбата, или ако забележите анално крварење или чувствувате силни болки, побарајте лекарска помош.
