Ананасот примарно се користи за јадење, но, исто така, има значајна употреба и во фармацијата како природен лек за превенција и лекување на многу болести. Потекнува од Карибите, а го открил Колумбо во 1493 година. Неговото име доаѓа од индискиот збор „anana“ што во превод значи „одлично овошје“, затоа и се нарекува и „крал на овошјето“.
Една резанка ананас ( 80 – 100 г) содржи околу 70 % од дневните потреби за витамин Ц и околу 40 % од дневните потреби за манган. Состојката, односно ензимот кој што се наоѓа во ананасот, наречен бромелаин има способност да ги разградува протеините и затоа се препорачува ананас после главен оброк. Бромелаинот го поттикнува варењето и им помага на останатите ензими кои активно учествуваат во процесот на варењето, како што се пепсините и трипсините и поради тоа, што го прави ананасот одличен избор при процесот на слабеење. После консумирањето ананас, го нема познатото дразнење во желудникот и желба за друга храна, туку едноставно две до три парчиња ананас успеваат да го амортизираат чувството на глад. Ова својство делумно се должи на значителните количини јаглехидрати кои ги содржи.
Здравствени придобивки
- Делува анти-воспалително, го намалува отокот после операција.
- Го забрзува и подобрува варењето на храната, ја подобрува апсорпцијата и метаболизмот на хранливи материи.
- Ги ублажува симптомите на респираторни заболувања (воспаление на синусите, астма, хроничен бронхитис).
- Ја подобрува циркулацијата.
- Антивоспалителен ефект при ревматоиден артритис, ги ублажува болките во грбот.
- Ги олеснува симптомите на ПМС.
- Го намалува ризикот од срцев и мозочен удар.
- Ја поттикнува мускулната контракција.
- Спречува појава на рак и ширење на метастази.
- Превенција од појава на на чир во желудникот.
- Го намалува апетитот.
