Студијата која ја направила група ирански научници покажала дека анасонот, благодарение на фитоестрогените кои ги содржи би можел да помогне при валунзите (налетите на жештини), нервоза, несоница и други непријатни симптоми во менопаузата.
Употребата на екстракт од анасон како додаток во исхраната, од друга страна, не предизвикува несакани ефекти за разлика од хормонската супституциона терапија. Учесничките кои биле дел од споменатото истражување двапати дневно добивале желатински капсули со 100 мг екстракт од анасон, а научниците кај овие жени после 4, 8 и 10 недели утврдиле видно намалување на симптомите во менопаузата во однос на жените од контролната група кои добивале плацебо.
