Општа проценка на лекарите е дека во последните два месеци од пандемијата со новиот коронавирус е дека старосната структура на новозаболените е променета.
“Се повеќе млади, но и деца се заразени. Повозрасните и натаму внимаваат, а помладите се изложени на овој втор бран или пик“, вели директорот на Центарот за анестезиологија при Клиничкиот центар на Србија, д-р Небојша Лаѓевиќ.
- Тој објаснува и како изгледа лекувањето на пациенти заболени од КОВИД-19 со потешка клиничка слика, односно на оние на кои им е потребен респиратор.
“Тешката клиничка слика подразбира дека состојбата на пациентот е толку влошена, да тој не може повеќе нормално да диши со своите бели дробови и да обезбеди доволна количина на кислород во организмот. Тогаш состојбата станува критична и неопходно е да се примени некоја форма на механичка вентилација – зголемен проток на кислород, “high flow“, неинвазивна вентилација или интубација и самиот респиратор, односно како што ние тоа го нарекуваме стручно – вентилатор. Критично е бидејќи пациентот нема еден орган од кој може да обезбееди доволна количина на кислород и мора да му помогнеме во истата секунда“, вели анестезиологот.
- Што е потребно да се случи, какво подобрување, за пациентот да се тргне од респиратор?
“Што се однесува до оваа болест, ние како лекари мораме пред се да доведеме до оздравување на белите дробови до таа мерка да тие можат самостојно да ја превземат функцијата и без помош на апарати да создаваат доволна количина на кислород во крвта. Тоа значи да по тргањето од респиратор, пациентот не се заморува, фреквенцата на срцето да е нормална, да не чувствува гушење, едноставно да го доведеме до излекување кога белите дробови можат самостојно да функцинораат. Тогаш постепено пациентот се одвојува од механичката вентилација и кончено се вади од расепиратор кога ќе ја задоволи префирената сатурација со кислород“, вели д-р Лаѓевиќ.
Кога тоа ќе се случи, дополнува тој, зависи од тежината на болеста. Кај некого за седум дена ќе успееме да го решиме тој проблем, особено ако пациентот дошол навреме. Кај потешките форми се развива т.н. цитокиснка олуја и доаѓа до силен имун одговор на белите дробови. Има и пациенти кои на респиратор биле и 30 дена, па потоа успешно се опоравиле.
