Анксиозноста и депресијата често се јавуваат истовремено.
Анксиозноста е состојба која делува на нашиот организам во целост: на мислите, на чувствата и на телото. Анксиозноста може да биде реакција на нешто реално од околината или нешто замислено. И секако, може да биде и особина на нашата личност ако сме многу педантни, склони кон нагласена грижа, страв и слично. Проблемот се јавува ако се доживува пречесто и/или преинтензивно. Анксиозните пореметувања се меѓу најчестите пореметувања во светот.
Но, анксиозноста и депресијата често доаѓаат во пар, па 50 проценти од оние кои страдаат од депресија знаат што е анксиозност. И полот игра улога, па жените почесто страдаат од овие состојби.
АНКСИОЗНОСТА Е ПОСТОЈАНА ГРИЖА
Кога сме анксиозни, се јавуваат мисли “ја губам земјата под нозете“, “ќе полудам“, чувства на страв, паника, напнатост, загриженост, додека на телесен план се јавува потење, тресење, забрзано дишење, главоболка, напнатост во мускулите.
“Кога ќе видам некого на терапија, ги следам зборовите кои ги изговара како “Мислев дека ќе полудам“, “Не можам да престанам да се грижам за она што може да се случи“ – се се тоа сигнали кои може да оддаваат анксиозност“, појаснува Сузан Флечер, психолог.
Таа додава дека е нормално понекогаш да се биде анксиозен пред голема презентација на работа, но анксиозноста оди многу подалеку од тоа, оти може да влијае на работата, учењето, врските и грижата за себе, и може да прерасне во пореметување. Тоа е состојба кога се грижите за нешто постојано – од утро до мрак.
ДЕПРЕСИЈАТА Е ГУБЕЊЕ НАДЕЖ
Депресијата ја одбележува постојана тага, губење надеж и чувство на празнина кое трае повеќе од две недели.
“Често се чувствувате како телото да ви е искршено, а душата некаде надвор од вас“, појаснува д-р Флечер.
Мислите делуваат како корозија и на крајот ве лишуваат од надеж. Овие чувства се реални и лицето не може само да се исклучи од нив. Депресијата ги напаѓа подрачјата во мозокот задолжени за чувството на среќа, задоволство и добро расположение, па тешко е да се пронајде среќа во нешто или на нешто да се посветите.
Дересијата е класифицирана како пореметување на однесувањето, оти влијае на емоционалната состојба, а д-р Флечер наведува дека се работи за когнитивни, физички и емоционални симптоми. Покрај чувството на тага, се јавува очај, апатија, недоволно самодоверба, песимизам и чувство на нижа вредност.
АНКСИОЗНОСТА МОЖЕ ДА БИДЕ КОРЕН НА ДЕПРЕСИЈА
Стресот што го носат ваквите пореметувања секого би го направиле нервозен, па не е чудо што и двата како симптом ја имаат иритабилноста.
“Ако депресијата и анксиозноста се во пар, почесто се јавува чувство на недоволно трпение и нервоза, отколку кога е во прашање самата депресија“, вели д-р Флечер и додава дека хормоните на стрес почесто го следат анксиозно депресивното пореметување, отколку само депресијата.
Иако лекувањето може да биде слично, важно е терапевтот правилно да ја идентификува состојбата за да на проблемот му се пристапи на добар начин.
