Истражување кое опфатило 36.429 жени на возраст од над 60 години, покажало дека долготрајната употреба на антибиотици кај жените може да го зголеми ризикот од срцев или мозочен удар.
Најчеста причина поради која жените користат антибиотици било лекување на инфекција на системот на дишење, инфекции на уринарниот систе, акни или розацеа, хроничен бронхитис или проблем со забите.
Треба да се истакне дека било утврдено оти значаен дел од антибиотиците не биле прописно препишани и дека изложеноста на антибиотици влијаело на рамнотежата и составот на цревната микробиота. Таа нерамнотежа на цревната микробиота може да го намали бројот на “добри бактерии“ во цревата, зголемувајќи го ризикот од инфекции од опасни вируси, бактерии и микроорганизми кои можат да предизвикаат болест.
Истовремено, истражувањето покажало дека дури една терапија антибиотици може да влијае на долгорочното здравје.
Се смета дека ефектот на антибиотиците на цревната микробиота може за последица да има зголемување на телесната тежина, како и зголемување на ризикот од тромбоза преку хиперактивност на тромбоцитите, што исто така е поврзано со поголем ризик од кардиоваскуларни болести.
