Антиоксидантите кои се наоѓаат во билката зелен чај може да станат клучни за борбата против туберкулоза, открива тимот на меѓународни научници под водство на Универзитетот Nanyang Technological од Сингапур.
Откриено е дека хемиското соединение, познато како епигалокатехин галат (ЕГЦГ), може да го инхибира растот на сојот на бактеријата Mycobacterium tuberculosis која предизвикува туберкулоза. Вооечно е дека епигалокатехин галат тоа го прави со врзување на ензимот кој пружа биолошка енергија за клеточна активност. Процесот резултира со намалување на количината на енергија што ја има бактеријата за своите клеточни процеси, витални за раст и стабилност, како созвадање на клеточни ѕидови.
Истовремено откриени се точните места на кои ензимот мора да се врзе со ЕГЦГ за да влијае на производството на енергија во бактериската клетка.
Се смета дека ова откритие може да отвори пат на создавање на нови лекови за борба против туберкулозата, една од најсмртоносните заразни болести во светот. Иако веќе постојат лекови кои ја таргетираат Mycobacterium tuberculosis, потребни се нови лекови, оти бактериите се повеќе покажуваат отпорност на многу постоечки терапии.
