Храната го ублажува стресот на неколку начини. На пример, некои намирници поттикнуваат производство на серотонин во организмот, други го намалуваат производството за кортизол и адреналин, хормонот на стрес кој долгорочно може да го нарушат здравјето, предизвикувајќи и пораст на крвниот притисок.
Што е потребно за да изгубиме килограми со антистрес диета?
Сложени јаглехидрати
Јаглехидратите го поттикнуваат создавањето на серотонин во мозокот. За телото да го обезбедите со потребните намирници најдобро е да јадете сложени јаглехидрати кои побавно се варат. Тука спаѓаат интегралниот леб со семки, интегралните тестенини или овесните снегулки кои е најдобро да се јадат за појадок. Сложените јаглехидрати го стабилизираат нивото на шеќер во крвта во текот на денот.
Едноставни јаглехидрати
Исхраната богата со едноставни јаглехидрати не е препорачлива никому, а особено не на дијабетичарите. Тука спаѓаат намирниците кои содржат шеќер и бело брашно, брзо се варат и овозможуваат краткотрајно задоволство. Ограничете го внесот на едноставни јаглехидрати во организмот ако сакате количеството на стрес во организмот да го сведете на минимум и да поттикнете брзо губење на килограмите.
Портокали
Портокалите се богати со витамин Ц кој го зајакнува имунитетот и го намалува производството на хормонот на стрес. Истражувањата покажуваат дека витаминот Ц го намалува високиот крвен притисок и го намалува производството на кортизол, ја забрзува работата на метаболизмот, а портокалите се исклучително корисни и во борбата против целулитот.
Спанаќ
Недостатокот на магнезиум во организмот може да предизвика главоболка и замор, што се чести причинители за стрес. Еден филџан спанаќ содржи доволно магнезиум за дневните потреби на организмот. Освен тоа спанаќот изобилува со влакна кои поттикнуваат брзо варење и го ублажуваат гладот. Ако не сте љубител на спанаќот, магнезиумот може да го внесувате и како додаток во исхраната.
Риба
За да го ублажите стресот потребно е во организмот да внесувате и доволно количество омега-3 масни киселини, кои се наоѓаат во рибата, на пример, лососот и туната. Овие здрави масти го спречуваат производството на хормонот на стрес и го штитат организмот од срцеви заболувања и депресија. Освен тоа, помасната риба е идеална за симнување килограми. Протеините и мастите се идеални за ублажување на гладот и нема да имате потреба за нездрави грицки. За дејството да биде потполно се препорачува риба на вашето мени да има барем два пати неделно.
Црн чај
Делотворен е при опоравувањето од стресните ситуации. Истражувањето покажало дека личностите кои пијат по 4 шолји црн чај неделно се поимуни на стрес.
Ф’стаци
Ф’стаците, како и сите останати јаткасти плодови, се добар извор на масти. Само една рака ф’стаци, ореви или бадеми дневно можат да го намалат холестеролот, количеството на шеќер во крвта и да го заштитат организмот од последиците на стресот.
Авокадо
Калиумот со кој е богато авокадото е заслужен за намалување на крвниот притисок, а доколку сакате да се решите од салото на стомакот, авокадото воведете го во секојдневната исхрана.
Свеж зеленчук
Крцкав свеж зеленчук може да го ублажи стресот на механички начин! Грицкањето на зеленчукот опушта и ја спречува напнатоста. Освен тоа зеленчукот изобилува со влакна, што е идеално за варење и губење на килограмите!
Она на што не треба да се заборави е вежбањето:
Освен регулирањето на исхраната една од најдобрите стратегии за намалување на стресот и забрзување на метаболизмот е и редовната физичка активност. Препорака е да вежбате 30 минути, 3-4 пати неделно.
