Познато е дека мажите и жените покажуваат различни симптоми кога се соочуваат со болестите на срцето, но често, при дијагностицирањето се занемаруваат и некои други неочекувани знаци на болното срце.
БОЛКА ВО ВРАТОТ ИЛИ ВИЛИЦАТА
Болките во градите и горниот дел од раката, често се поврзуваат со болестите на срцето, но постојат и други болки кои го означуваат истото. Такви се болката во вратот, како и болката во вилицата кои може да се јават во вид на болка кога на срцето му недостига крв богата со кислород.
АПНЕА ВО СОН
Гласно и зачестено ‘рчење се симптоми на апнеа во сон, а на телото во таа состојба му недостасува кислород, и ги притиска крвните садови резултирајќи со тешко дишење. Од тие причини, расте нивото на адреналин кое може да доведе до висок крвен притисок, особено ако често се случува.
ВРТОГЛАВИЦА
Анксиозноста или недоволната количина на железо во крвта често се проследени со вртоглавица, но таа може да се јави и во случај на аритмија. Во тие ситуации, крвта не доаѓа до мозокот во редовни интервали.
ДОЛГОТРАЈНА КАШЛИЦА
Болното срце може да насобира течности во белите дробови што резултира со свирење на градите, но и долготрајна кашлица.
ПОДЛИВИ НА КОЖАТА
Сини подливи на кожата во моменти кога телото ви е топло, може да означуваат недоволно кислород во крвта, а еден таков симптом е син нокт, кој покажува дека крвните садови за запушени.
ЕРЕКТИЛНА ДИСФУНКЦИЈА
Еректилната дисфункција е знак за кардиоваскуларни болести кај мажите, а студиите предвидуваат дека тие мажи низ период од пет години ќе искусат и други симптоми на болно срце.
ОСИП
Американската дерматолошка академија утврдила дека восочен, со јазли осип на кожата може да биде сериозне показател за високо ниво на триглицериди во крвта, каде осипот се јајвува како наталожен холестерол. Доколку крвта содржи големи количини на масти, големи се шансите да дојде до запушување на артериите и болести на срцето.
