Апцесот е болно гнојно воспаление кое е предизвикано од бактериска инфекција. Можат да се развијат под кожата или во внатрешноста на телото. Апцесот често се појавува како потечено и болно место исполнето со гној под површината на кожата, а може да изгледа и како отворена рана на кожата. Апцесите се често црвени и болни на допир. Чирот е еден од најчестите примери за кожен апцес.
Апцесите во внатрешноста на телото не се видливи и потешко се дијагностицираат. Можат да се развијат во внатрешноста на органите како белите дробови, мозокот или во просторот меѓу органите и да предизвикуваат болка.
Симптоми на кожен апцес
- Мазно отечено место под кожата или отворена рана
- Гноење на зафатениот дел од кожата, со бел, жолт или зелен гној со често непријатен мирис
- Болка, топлина и црвенило на инфицираното место
- Малаксалост, грозница, температура
Кожните апцеси можат да се појават на било кој дел од телото, но кожата околу анусот е едено од местата каде што најчесто се сретнуваат
Симптоми на внатрешни апцеси
- Болка во пределот на апцесот
- Малаксалост, грозница, температура
- Во зависност од подрачјето каде што се наоѓа апцесот може да се појават и поспецифични симптоми како на пример ако се работи за забен апцес, се јавува горчина во устата. Апцесот на дојката предизвикува сврбеж и исцедок
