Во ист ден објавени се два научни труда кои ја истакнуваат асимптоматската природа на КОВИД-19. Во трудот објавен во JAMA Network Open, научниците во истражувањето спроведено на 78 пациенти, откриле дека 42,3 проценти од нив не покажуваат никакви симптоми. Во неповрзана студија на австралиски автори, објавена на Thorax, истражувачите пак откриле дека без симптоми биле 80 проценти од позитивно тестираните патници на крузерот Дајмонд Принцес.
“Постојат две клучни прашања на кои се уште немаме вистински одговори: колкава е зачестеноста на асимптоматските инфекции и колку тие придонесуваат во пренесувањето на заразата“, вели Иво Мулер, епидемиолог на Инситутот за медицински истражувања во Мелбурн.
Одговорите на овие прашања се важни, додава тој, за да добиеме подобар увид во тоа колку луѓе биле изложени на коронавирусот SARS-CoV-2, но може и да ни помогнат подобро да предвидиме како ќе се развива пандемијата во наредните неколку месеци, и што треба да направиме за да спречиме втор бран на КОВИД-19 и нови смртни случаи.
Студијата за патниците кои се разболеле крстарејќи околу Антартикот, делумно нуди одговор на првото прашање. Од 128 заразени патници, 81% од нив биле без симптоми. Кога истиот образец би се повторил на други места, тоа би значело дека серопреваленцијата е можеби и пет пати поголема од декларираната“, објаснува Мулер.
СЕКОЈА СТУДИЈА ПОКАЖУВА РАЗЛИЧНИ БРОЈКИ
Високата стапка на заразеност меѓу патниците на крузерот (позитивни биле 59%) укажува на тоа колку SARS-CoV-2 може да биде заразен во затворен простор како брод. Од друга страна, имало случаи да бил заразен само еден патник во кабина. Тоа може да се препише на лажно негативни резултати на тестирањето, вели Милер, но можно е и да некои заболени со многу ниска асимптоматска инфекција биле и помалку заразни.
Утврдувањето на вистинската заразност кај асимптоматските носители на вирусот мора да биде приоритет, инсистира Милер. “Тоа бара подетални студии кои ќе користат молекуларна и серолошка дијагностика, вклучувајќи и клинички случаи и асимптоматски носители на вирусот“.
“Различни студии покажале различни удели на асимптоматските случаи“, вели Санјава Сенанјаке, специјалист за заразни болести и професор по медицина на Австралискиот национален универзитет и потсетува дека во истражувањето на Исланд имало 40%, на друго крстарење 18%, а меѓу Јапонците евакуирани од Вухан имало 30,8% асимптоматски пациенти. Тешко е, додава таа, да се снајдеме меѓу тие бројки и да одлучиме кои од нив се вистински.
“Се поблизу сме до разбирање на уделот на асимптоматските случаи на КОВИД-19, но се уште не можеме со сигурност да знаеме колкаво е нивното влијание на понатамошниот пренос на случаеви. Генерираат ли тие многу секундарни случаи или само мал дел?“, вели Сенанјаке.
АСИМПТОМАТСКИТЕ БОЛНИ СЕ ПОМАЛКУ ЗАРАЗНИ
Брус Томпсон, декан на Школата за здравствени науки нагласува дека досега медицината баш и не се среќавала со случаеви кога асимптоматските болни умирале од последици од болести. Забележано е дека тие биле помалку заразни и дека побрзо се опоравувале.
“Студии за ширење на заразата во старските домови и други места на кои би се појавил коронавирусот, откриваат дека 50% или повеќе од сите позитивни, не покажувале симптоми“, вели Раина Мекинтер, од Институтот Кирби.
“За тоа не треба да расправме повеќе. Контактите со висок ризик треба да се тестираат без оглед на симптомите“, вели таа и додадва дека на луѓето им се потребни 10 до 14 дена да развијат антитела, па не зачудува што резултатите од брзите тестови често се несигурни.
“Кај сите респираторни вирусни инфекции постојат низа на симптоми, од благи до тешки, а во случај на КОВИД-19 и многу тешки. Асимптоматската инфекција ги плаши лекарите и експертите бидејчи не знаеме што тоа значи за преносот на болеста“, објаснува Брајан Оливер, стручњак за респираторна молекуларна патогенеза на Универзитетот во Сиднеј.
“Добро е што на асимптоматските болни не им тече нос и не кашлаат, па поради тоа се и помала опасност за околината. Од друга страна, тие не знаат дека се болни па често не се придржуваат до очекуваните хигиенски мерки“, вели Оливер.
