Секојдневното земање на ниски дози на ацетилсалицилна киселина може да им помогне на трудниците со покачен крвен притисок да избегнат прееклампсија, состојба која може да го загрози здравјето на мајката и детето, посочува новата студија.
Покачениот крвен притисок е еден од ризик факторите за прееклампсија, што може да предизвика мозочен удар и епилептичен напад, предвремено одвојување на постелката, оштетување на бубрезите и црниот дроб кај мајката, предвремено породување и ниска породилна тежина.
Истражувањето покажало дека земањето на ниски дози на ацетилсалицилна киселина го намалува ризикот од прееклампсија кај жени со хипертензија од прв степен за 39 отсто.
Меѓутоа, ацетилсалицилната киселина не ја намалила значително веројатноста за прееклампсија кај жени кои немале висок крвен притисок, но кои и понатаму биле изложени на висок ризик од неа. Во нив се вклучени жени со дијабетес, кои се зависни од инсулин и жени со претходна прееклампсија, пишува „Hypertension“.
