Бабурата е зеленчук кој во текот на сезоната е составен дел од исхраната на сите луѓе. Сите љубители на пиперката бабура сакаат да ја подготвуваат на различни начини, а освен омилените полнети пиперки, може да се додаде и како прилог на јадењата или главното јадење, било да станува збор за појадок, ручек или вечера.
Пиперките бабури имаат многу малку калории. Две бабури со средна големина имаат само 45 калории, а обезбедуваат повеќе од препорачаната дневна доза на внес на витамин А и Ц.
Содржат висок процент на витамин Ц, а најбогата е црвената бабура. Таа содржи и неколку хитохемикалии и каротеноиди, особено бета каротен кој му обезбедува на организмот антиоксидативни и противвоспалителни својства.
Хемиското соединение капсаицин, кое е застапено во пиперките има многу здравствени предности, меѓу кои најважни се: намалување на нивото на лошиот холестерол, контрола на дијабететсот, олеснување на болките и ублажување на воспаленијата.
Доколку кратко се подготвуваат на тивок оган, пиперките го задржуваат најголемиот дел од слаткиот, овошен вкус и флавоноидите, важни антиоксиданти кои имаат антибактериско и антивирусно дејство.
Бабурите се добар извор на витамин Е, за кој се знае дека игра клучна улога во одржувањето на кожата и на косата здрави и сјајни. Содржи и витамин Б6 кој е важен за здравјето на нервниот систем и помага во обновувањето на клетките.
