Бадемите се сметаат за мошне здрави од едноставна причина што помагаат во превенцијата од разно-разни тегоби. Исто така, важат за одлично средство во борбата против килограмите бидејќи ја намалуваат желбата за храна. Здрави се бидејќи имаат низок гликемиски индекс – мерка за тоа колку брзо некоја храна прави нивото на шеќерот во крвта да се зголеми после секој оброк; односно предизвикуваат бавно и стабилно зголемување на шеќерот во крвта и инсулинот, а тоа ги тера луѓето подолго време да чувствуваат ситост.
Затоа луѓето кои консумираат бадеми за појадок подолго време се сити, а во исто време имаат и пониска концентрација на гликоза во крвта. Нивното консумирање го намалува апетитот, па затоа важат и за одлична намирница која помага во одржувањето на килограмите и во борбата против вишокот.
