Бактерија која вообичаено се наоѓа во устата, најдена е во мозокот кај лица кои имале мозочен удар, покажало ново истражување. Имено, се покажало дека 84% од учесниците во истражувањето, имале бактериска ДНК во крвното згрутчување, и тоа во во повеќето случаи тип на стрептокока која обично се наоѓа во устата и која може да предизвика инфекција ако влезе во крвотокот.
Се смета дека бактериите познати како вириданс стрептококи предизвикуваат ендокардитис, како и инфекција на мускулот на срцето и залистоците. Инаку истиот тип на бактерија е воочен во 2013 година во крвните згрутчувања отстранети од пациенти кои имале срцев удар.
Дополнителни студии ја откриле истата бактерија кај пациенти кои имале руптура на анеуризма на мозокот или крвно згрутчување во ногата.
Според мислењето на стручњаците, овие резултати покажуваат дека бактериите може да имаат улога во развојот на сериозни компликации поврзани со атеросклерозата.
