Конјунктивитисот е воспаление на конјунктивата кое се шири на внатрешниот дел на капакот и се протега преку белката на окото до рожницата, а како прв симптом се јавува црвенило на окото. Постои вирусен, алергиски и бактериски конјунктивитис, а разликите помеѓу нив се во причини и начинот на лекување.
КАКО ДА ПРЕПОЗНАЕТЕ БАКТЕРИСКИ КОНЈУНКТИВИТИС?
Сите три вида на конјунктивитис имаат слични симптоми и тоа:
- Црвенило на окото
- Болка, чешање нили солзење на окото
- Гноен исцедок
Вирусниот конјунктивитис е малку почест, а бактерискиот може да биде поголем предизвик за препознавање и лекување. Најчесто се јавува во зимските месеци, од декември до април, а во зависност од тоа колку траат самите симптоми може да биде хиперакутен, акутен кога трае помалку од четири медели и хроничен кога трае повеќе од еден месец.
ПРИЧИНИ
Бактерискиот конјунктивитис се појавува со пренесување на бактерии во окото, а може да се пренесе со допирање на окото со валкани раце или со контакт со респираторни капки од друго лице.
Првично се јавува инфекција на едното око и најчесто во рок од два дена се шири на другото око. Инфекцијата може да ја предизвикаат три бактерии, Staphylococcus aureus, Streptococcus pneumoniae и Haemophilus pneumoniae. Важно е да се знае дека конјунктивитисот е многу заразен и лесно се пренесува, особено кај децата, а може да го имаат и бебињата и малите деца.
За да не дојде до оваа состојба, потребно е да се обрне внимание на неколку работи. Пред се, секогаш убаво измијте ги рацете, особено пред допирање на очите. Ако веќе имате конјунктивитис на едното око, не го допирајте заразеното око, па потоа здравото, бидејќи инфекцијата тогаш може да се пренесе на другото око.
ТРЕТМАН
Во некои случаи, при поблаги состојби, бактеријата сама ќе се повлече и конјунктивитисот ќе исчезне, додека понекогаш, како и кај сите бактериски заболувања, ќе биде неопходно да се земе антибиотик во форма на капки, неколку пати на ден – седум до десет дена или според упатствата на лекарот. За да ја намалите болката, ќе помогнат топли или ладни облоги во вид на натопена крпа или газа, а секој пат треба да земате нова крпа или газа и никогаш да не ставате ист облог на двете очи.
