Бананата се смета за мошне корисна намирница, не само плодот, туку и нејзината кора. Таа е здрава и богата со влакна, но и нејзината кора е мошне корисна. Обично кората ја фрламе, а Индијците го прават спротивното – со години ја користат за разни цели.
Втријте кора од банана на кожата и таа ќе делува како антиоксидант, ќе ја хидрира кожата, ќе го ублажи чешањето, а и ќе помогне кај псоријазата. Се користи внатрешната страна од кората. Обичните, безопасни брадавици може да ги отстраните така што ќе ги истриете со внатрешната страна од кората од банана, а освен ова кората од банана можете да ја користите на повеќе начини и во домот.
Исчистете ги листовите од билките – со кората пребришете ги листовите од вашите собни растенија. Ќе ги исчистите, ќе ги нахраните, но и ќе добијат свеж сјај.
Ставете ги на месото при печење – ако ставите кора од банана на месото кога го печете, на скарата или во тавата тоа ќе ја зачува сочноста и нема да се пресуши.
Кажете им збогум на акните – кората содржи ензими кои поволно ќе делуваат и ќе ја нахранат кожата. На ист начин таа помага и при лекувањето на хемороидите.
Излечете брадавица – ако некаде на кожата имате брадавица, сигурно знаете дека е многу тешко да ја излекувате. Со внатрешната страна од кората од банана мачкајте ја брадавицата секоја вечер, а кората од бананата потоа оставете ја врз брадавицата, завиткајте и така преспијте. За најмногу две недели проблемот би требало да исчезне.
Кората уште помага и при белењето на забите, но и го намалува чешањето, особено после убод од комарец.
Ублажете ги симптомите на депресија – познато е дека бананата позитивно влијае на расположението. Направете чај од кора од банана. Во мал сад со зовриена вода додадете кора од две банани. Нека врие заедно околу 10-15 минути, па после тоа сипете во шолја. Ќе ви помоге и при несоница, а и ќе го хидрира телото.
