Бананите имаат широка примена во кулинарството благодарение на специфичниот вкус и структурата, а свое место имаат во бројни слатки и солени рецепти. Вистина е дека се на лош глас во диеталните режими на исхрана заради малку поголемата калориска вредност, но имајќи ги предвид бенефитите од ова овошје едноставно изненадувачки е што не ги јадеме секој ден.
Една стдудија се бавела со ова прашање, па спровела експеримент во кој испитаниците секојдневно јаделе по две банани во период од два месеци. Резултатите до кои дошле биле одлични.
Прво да погледнеме колку две банани изнесуваат во нутритивна смисла:
- 210 калории
- 900 мг калиум
- 2 г диетални влакна
- 28 г шеќер
- 6 г протеини
- 2 % витамин А
- 34% витамин Ц
- 2% железо
- 40% витамин Б6
- 16% магнезиум
Кога секој ден во организмот ќе го внесете ова количество хранливи материи, ќе ја спречите појавата и ќе го намалите ризикот од неколку болести.
Крвен притисок
Благодарение на калиумот кој, а тоа многумина не го знаат, игра витална улога во зачувувањето на клетките на организмот, ќе го регулирате крвниот притисок, но и нивото на шеќер во крвта. Калиумот води сметка за лачењето на инсулин, а со самото тоа го регулира и нивото на глукоза во крвта.
Канцер
Исхраната со овошје и зеленчук превентивно делува на појавата на канцер. Поентата е во тоа што вака на телото му обезбедувате доволно количество неопходни нутритиенти, а без „штетните“ адитиви како сол, шеќер, конзерванси… Витаминот Ц кој во бананата го има во изобилство е клучен фактор во борбата против канцерогените слободни радикали.
Срцеви заболувања
Последните студии покажале дека луѓето кои внесуваат минимум 4 069 мг калиум дневно го намалиле ризикот од смрт предизвикана од исхемиски болести на срцето за 49 отсто, и тоа во однос на оние чиј дневен внес изнесувал 1000 мг. Освен тоа влакната, витамините Б6 и Ц го зајакнуваат срцето.
