Овие бапски приказни науката ги потврдила како потполно точни:
Едно јаболко на ден и лекар не ви треба
Сите знаеме дека овошје треба да јадеме секој ден и дека тоа е добро за нашето здравје. Но јаболко? На ден? Изгледа дека оваа бапска приказна не е измислена, всушност потполно е точна. Студија од 2013 година покажала дека кога сите луѓе над 50 години во Велика Британија би јаделе по едно јаболко на ден, би спречиле или одложиле 8 500 срцеви и мозочни удари секоја година. Јадете јаболка!
Пилешката супа е лек
Сите сме чуле дека при настинка треба да се јаде пилешка супа. Се покажало дека има вистина во тоа. Иако пилешката супа во целост нема да ве излекува од настинка, таа ќе ублажи некои од симптомите. Научниците откриле дека пилешката супа навистина може да го намали воспалението со забавување на активностите на белите крвни зрнца, кои се одговорни за предизвикување воспаленија. Така што, само напред – јадете супа…
Чоколадото ја намалува болката во ПМС
Се покажало дека онаа желба за чоколадо која ја имате пред да ви почне циклусот не е само тука за да ја „закопа“ вашата здрава исхрана. Желбата всушност се случува од физиолошки причини. Студиите покажуваат дека чоколадото содржи хранливи материи и антиоксиданти како што е анандамидот, што може да има и смирувачки ефект и ги држи во баланс анксиозноста и расположението. Значи, не морате да чувствувате вина заради тие дополнителни парченца чоколадо, но не претерувајте!
Киселини во бременоста знак дека бебето има многу коса
Ова сигурно сте го слушнале, дури и ако се уште немате деца затоа што речиси и да не постои постара жена која не верува во ова. Овој мит го потврдиле и лекарите од Џон Хопкинс болницата во Балтимор. Спровеле истражување за со намера во целост да го побијат ова верување, но го откриле сосема спротивното. И самите биле изненадени со резултатот кој открил дека зголеменото ниво на хормон кој предизвикува киселини всушност го предизвикува растот на косата на бебето.
Полна месечина
Не, не измислувате дека сите по малку „откачуваат“ кога е полна месечина. Оваа бапска приказна се раскажува со векови, поточно некои луѓе го менуваат расположението за време на полна месечина и не само луѓето, туку и животните. Генерално, истражувачите допрва треба да докажат дека однесувањето, плодноста и наталитетот се погодени од ова. Но една студија докажала дека некои луѓе потешко спијат за време на полна месечина, и покрај спуштените ролетни.
Клин со клин се избива
Ако сте претерале со пиење и се чувствувате мамурно и никакво, бабите би ви рекле веднаш „да се вратите во седло“ и да се напиете еден пијалак за да си помогнете. Дали ја кажуваат вистината? Науката вели – ДА! Истражувачите покажале дека консумирањето мали дози алкохол може да го олесни мамурлакот. Но сепак збор – два предупредување – ублажувањето на ефектите од мамурлакот на овој начин може да ја зголеми зависноста од алкохол и на тој начин се создава магичен круг. Значи, најдобар начин да се избегне мамурлакот? Испијте огромна чаша вода пред одење в кревет. Или уште подобро… Едноставно немојте толку да пиете!
Бројте овци полесно ќе заспиете
Постарите им велат на децата да ги затворат очите и да бројат овци, ако не можат да заспијат. Броењето овци навистина влијае на сонот, употребата на визуелизацијата или менталните снимки, секако, може да помогне брзо да „заминете во земјата на соништата“. Како? Тоа ви помага да ги тргнете мислите од стресните размислувања или анксиозните мисли кои често се поврзани со несоницата.
Сирењето предизвикува чудни соништа
За тоа дека консумацијата на сирење или млечни производи пред спиење може да предизвика чудни соништа долго се верувало дека е најобичен мит, но една студија објавена во Велика Британија вели поинаку. Тестирале 200 испитаници кои пред спиење јаделе различни видови сирења и повеќето потврдиле дека имале мошне чудни соништа.
Рибата е вистинската храна за мозокот
Врската меѓу омега-3 масните киселини и помасните риби навистина постои и добро е позната. Масните киселини кои се наоѓаат во рибата докажано ја подобруваат поврзаноста меѓу мозочните ќелии и на тој начин го подобруваат делувањето на мозокот. Едно истражување дури покажало дека со редовна консумација на риба, мозокот расте.
