За времетраењето на карантинот, многумина се потпреа на “брзата“ храна, со цел полесно да се носат со стресот и сите стравови кои се јавуваа и се јавуваат во тој период. Но, што би кажале ако дознаете дека токму таквата храна влијае на намалување на способноста за фокусирање?
Нова студија објавена во списанието The American Journal of Clinical Nutrition на која работеле научници од Универзитетот Охајо, нуди објаснување како само еден ваков оброк е доволен да влијае на концентрацијата на поединецот. Со други зборови, оние кои работат од дома додека трае пандемијата и уживаат во “храната за утеха“, можно е да забележале благи промени на можноста за концентрирање.
Истражувањето е спроведено со помош на 51 женско лице кои секое утро правеле тест за концентрација, и повторно по 5 часа, откако ќе изеле нездрав оброк или пак оброк кој содржел само здрави намирници. Јасно е дека групата која се хранела нездраво, најлошо поминала на тестот.
Д-р Стефани Урита, нутриционист од овој Универзитет смета дека консумирањето храна која содржи многу шеќер и заситени масти, но без влакна, често предизвикува хаос во цревата, кои може да подлегнат на воспаленија. Кога тоа ќе се случи, тенките споеви на дигестивниот тракт се опуштаат и оставаат дупки во цревата.
Тие празнини ги пропуштаат честичките на половично сварената храна, токсини и бактерии надвор од дигестивниот тракт и така може да предизвикаат низа проблеми, додава д-р Урита.
Резултатите откриле потенцијална поврзаност помеѓу заситените масти и цревата – мозокот. Се смета дека тие производи може да предизвикаат воспаление на цревата, што може да предизвика воспаленија во мозокот. Идејата е дека масните киселини може да ја поминат бариерата крв-мозок.
