Научниците досега веруваа дека децата почнуваат да ги разбираат зборовите на родителите дури околу првата година од животот, но новите истражувања покажуваат дека тоа се случува веќе на возраст од шест месеци.
За да ја тестираат вештината на разбирање на зборовите, научниците снимале група на бебиња додека на компјутерски монитори им прикажувале фотографии, притоа изговарајќи ги имињата на прикажаните објекти. Истражувачите забележале дека децата на возраст меѓу шест и девет месеци со очи го барале автомобилот, ногата или јаболкото на компјутерот откако им го поставиле прашањето: „Каде е автомобилот… ногата… јаболкото?“
Професорката Елика Бергелсон од Универзитетот Дјук, шеф на новото истражување, изјавила дека бебињата разбираат и многу повеќе. Кога биле изговорени имињата на објектите, се покажало дека бебињата поминале повеќе време во потрага по врската на фотографиите на кои биле неповрзани објекти. Научниците објаснуваат дека децата со поглед јасно ставиле на знаење дека „нога и рака“ се слични и поповрзани од „нога и чаша со млеко“ и дека зад симпатичното гугање се крие бистар и остар ум.
Бергелсон смета дека шестмесечните бебиња го разбираат речиси целиот вокабулар со кој им се обраќаат родителите. Таа, на родителите им порачува да разговараат со своите деца, бидејќи бебињата ќе разберат се што им кажуваат и во понатамошниот развој и доба ќе имаат подобри јазични вештини.
„Шестмесечните бебиња го разбираат речиси целиот вокабулар со кој им се обраќаат родителите, a колку повеќе сфаќаат, градат знаење за иднината“
