Сакате ли здраво и високо дете? Ако одговорот е да, размислувајте да родите дете во летните месеци. Сончевата светлина може да биде клучна за овој феномен, велат научниците од Кембриџ, кои прегледале податоци на речиси половина милион луѓе во Велика Британија. Нивното истражување се темели и на други констатации на научници, кои, исто така, сметале дека летното време е добро за доаѓање на бебето.
Летните бебиња имаат добра родилна тежина
Децата родени во јуни, јули и август, најчесто имаат добра родилна тежина. Бебињата кои имаат помалку од 2,5 килограми се посклони кон инфекции и можат да имаат долгорочни проблеми како што се забавен моторен и општествен развој.
Луѓето кои се родени со потпросечна тежина имаат 70 % поголеми шанси за проблеми со здравјето подоцна во животот, покажале претходните истражувања
Ниската родилна тежина, исто така, може да влијае и на шансите за успех во животот. Овие лица имаат поголема шанса да го прекинат образованието и така да заработуваат помалку кога ќе станат возрасни, покажале истражувањата. Подоцна во животот се поподложни на дијабетес, дебелина и метаболички синдром.
Децата родени во лето се повисоки
Според резултатите од истражувањето, бебињата родени во текот на летото имаат тенденција да бидат повисоки. Мозочниот удар, Алцхајмеровата болест и болестите на срцето се почести меѓу луѓето кои се пониски, покажале претходните истражувања. Повисоките луѓе имаат тенденција да развијат дијабетес тип 1, а едно истражување покажало дека жените имаат зголемен ризик од рак на јајниците и дојките. Меѓутоа, кога се работи за општествено-економските фактори, повисоките луѓе заработуваат повеќе, добиваат повеќе унапредувања и се почесто на водечки позиции.
