Белиот слез одамна се користи како лек, а се јадат сите негови делови – и коренот и листовите и цветовите, но најчесто се користат само коренот и листовите. Освен слуз, слезот изобилува со пектин и танини и разни минерали.
Еден од најчестите начини на користење на слезот е, секако, чајот од бел слез. Како таков има поволен ефект врз кашлањето, но и при бронхитис. Со чај од бел слез можете да го измиете затнатиот нос, а можете и да правите гаргара доколку имате проблем со болки во грлото. Исто така, чај од бел слез се препорачува како лек за луѓе кои имаат проблеми со болно мокрење или тешко задржување на урината. Слезот најчесто се користи и во комбинација со други билки, обично со камилица.
Во комбинација со камилица е одличен и ефикасен лек за хронична кашлица кај пушачите.
Освен опишаните дејства, белиот слез може да се користи и за лекување на чиреви, како и за хидратација на сува и иритирана кожа.
Верувале или не, белиот слез освен како чај може да се употребува и како намирница со која ќе приготвите десерт. Имено, поради својата леплива и сунѓереста текстура и високиот процент на шеќер (75%), денес се употребува и при подготовка на колачиња.
