Станува збор за намирница која не само што ги избелува забите, туку и од нив ги отстранува упорните дамки, дури и оние од тутун, а притоа го освежува и здивот. Професионалното избелување на забите е скапо, па затоа ако имате малку трпение, односно не ви се брза баш истиот ден да имате заби бели како снег, пробајте го овој народен рецепт за бисернобела насмевка.
Се што ви е потребно е јаболков оцет, но бидете внимателни не смее да се користи концентриран, туку разблажен, и тоа една супена лажица во чаша вода.
Најпрво земете помала голтка од приготвениот раствор и со него добро измијте ја устата, па плукнете. Потоа во чашата натопете ја четкичката, па истријте ги забите како да ги миете со паста. Уште малку испирајте ја устата со течноста и на крај добро измијте со вода. Уште после првото миење ќе забележите дека забите ви се барем за нијанса-две побели, здивот посвеж, а устата почиста од кога било.
Овој третман практикувајте го најмногу еднаш во два дена, за со агресивното триење да не ја оштетите забната глеѓ.
