Клиничкото истражување на американските научници од „University of Wisconsin-Madison“ покажало дека консумацијата на инсекти или поконкретно штурци влијае позитивно на присуството на т.н. добри бактерии во цревата и ги намалува воспалителните процеси во телото.
Списанието „Scientific Reports“ пишува дека консумацијата на инсекти е еден од најважните извори на протеини, витамини, минерали и здрави масти за две милијарди луѓе.
Истражувачите новите наоди ги објаснуваат со делувањето на влакната, кои се разликуваат од оние што се присутни во овошјето и зеленчукот.
Влакната присутни во штурците се важен извор на храна за бактериите во цревата и делуваат како пробиотици, е заклучокот на студијата, во чии рамки биле следени 20 здрави субјекти на возраст од 18 до 48 години.
Учесниците во истражувањето по оброк консумирале 25 грама прашок добиен со мелење на пржени штурци.
