Оваа билка која потекнува од Индија денес завзема важно место на трпезите речиси низ целиот свет. Кај нас, освен црн, може да се најде и зелен, црвен и бел бибер, со различни дејства и состојки. Кој и да се користи, неговите својства прават долг список од корисни ефекти за организмот.
Органи за варање
Пред се, биберот содржи состојки кои го подобруваат варењето, го забрзуваат метаболизмот и исфрлаат течности од организмот, со што спречува разни болести, вклучувајќи и рак на дебелото црево. Биберот е и одличен диуретик, па се користи при лекување на состојби предизвикани со наталожување на течности во зглобовите и при отоци. Сепак, бидете внимателни, бидејќи ако земате дируетици може да има спротивен ефект.
Благодарение на пиперинот, супстанца која му дава лутина, биберот се користи и во диети, како и во разни препарати за слабеење. Освен што го забрзува метаболизмот, биберот помага во претворање на мастите во вода и нивна здрава елиминација од органзимот.
Кожа
Речиси како и лутата пиперка, така и биберот се користи за лекување на болки на кожата. Со масирање на болното место се забрзува крвотокот, па местото се загрева и болките се намалуваат. Американски истражувања покажале дека биберот може да се користи за лекување на витилиго, бидејќи и дава темен тен на кожата. Други истражувања, пак, утврдиле дека биберот лекува и шуга, бидејќи има антимикробно дејство, што буквално ги уништува сите организми на кожата и помага во лекувањето на оваа зараза.
Респираторни органи
Благодарение на пиперинот, биберот ја разводнува и омекнува слузта во белите дробови и така ги чисти при бронхитис или воспаление. Исто така, треба да се спомене и одличното дејство на крвните садови, каде со ширење и опуштање ги доведува до олеснување при спазам и друга упорна кашлица. На истиот начин помага и при ширењето на синусите и крвните садови во носот, па е препорачливо да додадете неколку зрна бибер во течноста за инхалации.
Како и кај сите корисни супстанци, биберот може да има и лошо дејство на организмот, доколку се користи неправилно или ако се претера со употребата. Диуретичкото дејство е корисно за организмот, но треба да се внимава доколку се користат и диуретици или ако лицето има низок притисок. Треба да се внимава и кога се консумира во храна, бидејќи во стомакот може да предизвика бурна реакција. Особено е важно да внимаваат лицата кои имаат проблеми со варењето, чир на желудникот или на дванаесетпалачното црево.
