Голем дел од луѓето не се свесни дека со своите постапки и зборови и тоа како може да влијаат врз поставувањето на точната дијагноза. Следниве две реченици никогаш не смеете да им ги кажете на вашите доктори, бидејќи лесно може да ги наведете на погрешниот пат.
1 „Ги гуглав симптомите и сигурен сум дека проблемот е во …“
Кога ќе забележиме први знаци на некој здравствен проблем, повеќето од нас веднаш одат на интернет и почнуваат да ги гуглаат симптомите. Меѓутоа, експертите веруваат дека ова не е добар потег.
Имено, поради нестручна „самопоставена“ дијагноза можеме несвесно да ги игнорираме важните симптоми и да не му ги откриеме на нашиот доктор само затоа што сме убедени дека ние знаеме од што боледуваме или што е причината за нашиот здравствен проблем. На овој начин ние влијаеме на поставување на правилна дијагноза.
Докторите во текот на процесот мора да следат одреден протокол кој, меѓу другото, вклучува анализа на сите симптоми, историја на болеста, семејна медицинска историја и лекови кои ги користите. Затоа е важно од вас да ги добијат сите битни информации во врска со вашата загриженост, односно со она што ве мачи за да не добијат погрешни информации кои ќе ги доведат до погрешен заклучок.
2 „Мислам дека се е само во мојата глава“
Луѓе кои не сакаат да одат на лекар или се плашат од ординации и болници често се обидуваат да го минимизираат значењето на нивните здравствени проблеми. Никогаш не ги „олеснувајте“ симптомите и ако сметате дека се резултат на физички проблем не ги припишувајте на стресот.
Секогаш бидете искрени со својот доктор за да може да ја сфати потенцијалната сериозност на ситуацијата и да се осигура дека нема ништо да пропушти при поставување на дијагнозата.
