“Ros maris” ili “морска роса “, како што ja нарекувале Грците и Римјаните, билa познатa како лековита билка уште во древни времиња и билa посветенa на божицата Афродита. Кај нас е позната како рузмарин. Во времето на чума луѓето гранчиња рузмарин носеле со себе за да се заштитат од заразата.
Во средновековните книги заради материите кои ги содржи се препорачувал при тегоби со варењето. Бил познат и неговиот окрепувачки ефект кој го има на крвотокот. Се препорачувал и после тешки болести за закрепнување на срцето во староста, најчесто во облик на вино од рузмарин.
Рузмаринот бил главна состојка на унгарската водичка – лек кој во 14 век го земала унгарската кралица Изабела. Имала 72 години и патела од гихт, но после една година земање на тој лек оздравела и си ја вратила убавината во толкава мера што ја запросил полскиот крал. Поновите истражувања покажале дека рузмаринот е силен антиоксиданс кој го забавува процесот на стареење.
Содржи флавоноиди кои ја поттикнуваат циркулацијата, ги зајакнуваат капиларите и го подобруваат протокот на крв во вените, а тоа ја објаснува традиционалната употреба на рузмарин за подобрување на памтењето и концентрацијата, потоа против главоболка, како и за поттикнување на растењето коса. Рузмаринот делува смирувачки на варењето, па се препорачува за пречки во дигестивниот систем, како што се тегоби при варењето, грчеви во желудникот и запек. Истражувањата покажале дека екстрактот од рузмарин го зголемува лачењето на жолчка, а тоа е важно за варење на мастите.
Друго истражување, објавено во 1995 година, покажало дека оваа билка е диуретик и дека го ослободува црниот дроб од отровни материи. Рузмаринот е ефикасно противвоспалително средство. Има антибактериско дејство и поволно делува на искашлувањето, па може да се употребува и во лекувањето на инфекции на бронхиите, ушите, носот и грлото. Освен тоа ефикасен е и за зацврстување на организмот при општ замор.
За надворешна употреба маслото од рузмарин се разблажува со неутрално масло, како што е сончогледовото, па се употребува за триење кај болки во мускулите, ишијас и ревматски тегоби. Ако чај од рузмарин додадете во водата за капење тоа ќе ви помогне да ги ублажите ревматските болки. Екстрактот од рузмарин ја поттикнува циркулацијата на темето, па се нанесува на кожата на темето како средство за спречување на прераната ќелавост, ефикасен е и при лекувањето првут.
Секојдневно шампонирање
За секојдневна нега на косата, во шампонот или регенераторот додадете есенцијално масло од рузмарин. Користете две капки масло за секои 30 мл шампон или регенератор. Доколку не користите шампон секојдневно тогаш само нанесувајте регенератор: косата натопете ја, нанесете од регенераторот и измијте ја како и обично.
Секојдневна масажа
За секојдневна масажа која го стимулира растот на косата, две капки есенцијално масло од рузмарин додадете во 30 мл базно масло (на пример, масло од јојоба). Маслото втријте го и масирајте три минути пред миење на косата.
Третман со топло масло еднаш неделно
Еднаш неделно правете третман со топло масло. За овој третман ви се потребни 50 мл базно масло и пет капки масло од рузмарин. Маслото измешајте го во помала тегличка која може да се затвори. Теглата ставете ја во лонец со провриена вода, на неколку минути, маслото да се загрее. Постепено масирајте го темето со масло, користејќи ги прстите, неколку минути (маслото втривајте го на сува коса). Потрудете се малку масло да втриете и низ косата, се до врвовите.
Напомена: Есенцијалното масло од рузмарин не им се препорачува на личности кои патат од висок притисок.
