Целер – го поттикнува слабеењето и го регулира притисокот
Целерот (Apium graveolens) им бил познат уште на старите Грци и Римјани, кои верувале и во неговите афродизијачки својства. Целерот е полн со вода, минерали, витамини и влакна, но има малку калории. Затоа го поттикнува варењето и е одлична состојка на секоја здрава и избалансирана диета. Целерот, исто така, содржи состојки кои го намалуваат лошото ниво на холестерол во организмот и истовремено влијаат на намалување на високиот крвен притисок.
Камилица – ја ублажува гладта и смирува
Цветовите камилица имаат противвоспалително дејство. Чајот од камилица помага при гастритис, ја подобрува работата на бубрезите, го поттикнува потењето, помага во зајакнување на метаболизмот, при надуеност и мачнина. За разлика од останатите билки, исто така, има и благо седативно дејство – помага против стрес, нервоза, глад, смирува и го олеснува сонот.
Цикорија – го намалува нивото на холестерол во крвта
Цикорија или водопија (Cichorium intybus) е позната како растение со антивоспалителни и антисептички својства, кое се употребува во мелеми за намалување на отоци. Познато е и дека може да го смири воспалението предизвикано од ревматизам или гихт. Во лековити цели се користат листовите, цветовите и коренот на цикорија.
Целата билка е богата со инулин, кој го поттикнува развојот на бактерии кои се потребни за правилно функционирање на цревата. Го поттикнува празнењето на цревата. Ја подобрува работата на црниот дроб, жолчното ќесе, бубрезите и влијае поттикнувачки на метаболизмот, што е карактеристично за растенијата кои имаат голема количина на инулин.
Поради тоа, цикоријата може да биде превентива, но исто така, и лек за проблеми како што се забавена дигестија и чиреви на гастроинтестиналниот тракт. Докажано е дека инулинот може да го намали нивото на холестерол во крвта. Бидејќи го намалува и шеќерот во крвта, цикоријата е соодветна храна за дијабетичарите.
Чудотворната коприва
Копривата (Urtica dioica) е богата со витамини, минерали и лековити супстанции. Се користи како диуретик бидејќи може да го интензивира отстранувањето на натриумот и уринарните киселини и така да ја олесни состојбата при ревматизам и артритис. Копривата дејствува против пролив и помага кај хемороиди. Чајот се користи за испирање на органите за мокрење, спречување на создавање на песок во бубрезите, зголемување на количеството на урина и при сите воспалителни процеси во телото.
Лековитата бреза
Листовите на бреза имаат диуретичко дејство, па често се користат во чајна мешавина за да се забрза губењето на вишокот на килограми.
