Дали сте знаеле дека билките во домот ги апсорбираат штетните зрачења што ги емитриаат телевизорите, но и ги впиваат, односно ги елиминираат штетните мириси што ги испуштаат лаковите, разредувачите или средствата за чистење. Стручњаците советуваат во домот да се стави по една билка на девет метри квадратни простор.
Најпопуларни билки кои имаат вакви својства се фикус, папрат, и драцена.
Драцена
Освен што е прекрасна, драцената е едноставна и за одржување, а е и отпорна на температурни разлики. Редовно туширајте ја, за да напредува убаво. Таа е прочистувач на воздухот, бидејќи ја намалува концентрацијата на формалдехид, испарувачка состојка од средствата за чистење, лакови, разредувачи, разни спреови и дезодоранси.
Фикус
Фикусот го неутрализира димот од цигарите, ја намалува концентрацијата на јалерод диоксид, јаглерод моноксид и триелин, хемикалии кои се наоѓаат во боите и лаковите. Бара светлина, но не претерана. Не и одговара провев.
Папрат
Оваа билка ја намалува концентрацијата на формалдехидот од мебелот, детергентите, ткаенините и завесите. Бара доста вода, но не смее директно да се изложува на сонце.
