Некои билки се природно богати со својства што ги прават високо ефикасни за здравјето на срцето. Цивилизациите низ историјата ги одгледувале овие чуда на природата за лекување и превенција од најчестите срцеви заболувања, кои лицата се склони да ги развијат. Денес, поддржано од страна на научни докази, овие билки се користат во комбинации за производство на билни чаеви кои имаат позитивно влијание врз човечкото срце и на тој начин имаат стекнато огромна популарност во целиот свет.
Оригано – познато по својата способност во голема мера да спречи некои заболувања, ориганото е богат извор на диетални влакна, како и антиоксиданти и витамин Ц.
Лук – редовното консумирање лук помага при атеросклероза, бидејќи ги омекнува артериите преку кршење на холестеролот и маснотиите што се држат до внатрешните ѕидови, подобрувајќи ја нивната флексибилност.
Лаванда – маслото од лаванда е познато по своите антисептички, антибактериски и седативни својства. Неговите балансирачки ефекти помагаат за зајакнување на срцевиот мускул и подобрување на циркулацијата, а седативните својства ги намалуваат палптациите и хипертензијата.
Глог – научните истражувања обезбедуваат докази за позитивната корелација меѓу оваа билка и дилатацијата на крвните садови, со што се намалува крвниот притисок. Ова доведува до севкупно посилно срце што може да функционира подобро.
Аронија – аронијата е богата со витамини А, Ц, К и антиоксиданти. Тие го намалуваат крвниот притисок и нивото на лош холестерол во крвта. Аронијата е корисна за лица со метаболен синдром, пациенти кои страдаат од неколку здравствени проблеми кои го зголемуваат ризикот од срцеви заболувања.
Жен-шен – студиите покажуваат дека жен-шенот го намалува крвниот притисок, како и ризикот од срцеви заболувања. Генерално оваа билка е имунолошки засилувач, но сепак се препорачува мала претпазливост бидејќи некои лица се чувствителни на жен-шен и може да доживеат зголемен крвен притисок.
Гинко билоба – студиите покажуваат дека оваа билка помага за ширење на крвните садови, што доведува до зголемување на протокот на крв. Гинкото е, исто така, познато во спречување и намалување на згрутчувањето на крвните плочки, со што се намалува ризикот од мозочен удар, преку подобрување на циркулацијата на крвта.
