Истражувањето на британските научници кое е објавено во Универзитетот Екситер покажало дека дека присуството на билки во канцеларија може да ја подобри креативноста за 45%, продуктивноста за 40% и општото расположение за 50%.
Истражувачите организирале студија која вклучувала 350 испитаници поделени во импровизирани канцеларии. На сите испитаници доделена им била иста работа, а резултатите покажале значително поголема продуктивност и креативност на работните места кои биле опкружени со билки.
Како да одберете и да ги негувате билките за во канцеларија
Зеленилото на работното место го намалува стресот, го зголемува еланот и го прочистува воздухот, а истражувањата покажале дека како резултат на тоа ќе бидете попродуктивни и покреативни.
Ова се пет билки кои совршено ќе се вклопат во секоја канцеларија
Сансеверија (индиско перо)
Сансеверија или индиско перо, е многу отпорна билка, па со самото тоа и совршен избор ако немате многу искуство во хортикултурата. Не и смета сув воздух, бара малку сончева светлина и вода.
Замија (Zamioculcas zamiifolia)
Замијата е многу популарна собна билка. Идеална е за работниот простор затоа што според фенг шуи ги активира полињата на среќа и пари и ја впива негативната енергија. Не бара многу за одржување, доволна е основната нега. Потребно и е само едно полевање во месецот.
Красула (Crassula ovata)
Красула или јапонско дрво на парите е многу популарен избор за во канцеларијата, бидејќи како што кажува и самото име, присуството на оваа билка привлекува пари. Постојат објаснувања дека листовите од оваа билка содржат етерични масла кои ја зголемуваат менталната и физичката будност на човекот и ги активираат нивните умствени и физички способности, па на тој начин поостигнуваат подобри резултати и поголема заработка.
Потос (Pothos)
Овој ползавец е од семејството филадендрони. Многу лесно се одгледува и добро го поднесува сувиот воздух. Доколку редовно ја наводнувате, брзо ќе расте.
Кактус (Euphorbia tirucalli)
Популарна е заради необичниот изглед, како и со својата отпорност. Како и другите видови на кактуси, оваа билка не бара премногу внимание. Држете ја на светло мето, но не и директно изложена на сонце. Сака влажни простори, но потребно е да се полива само еднаш месечно. Одлична е за канцеларии, бидејќи нее погодна да се чува блиску до деца. Ако се скршат гранчињата од оваа билка испуштаа млеко кое е отровно, па е потребно да се внимава.
