Секоја година околу 55 % од пушчите се обидуваат да престанат со оваа навика. Престанувањето на пушењето драматично го намалува ризикот од белодробни болести, од хронична опструктивна болест (ХОББ) и од карцином.
Здравјето на белите дробови по престанувањето со пушење на цигари е тема која предизвикува оргомно внимание меѓу поранешните пушачи и здравствените професионалци.
Белите дробови почнуваат да заздравуваат веднаш по гасење на последната цигара, но процесот на целосно опоравување е бавен и може да трае со години. Дополнително, престанувањето со пушење не го брише во целост ризикот за развој на болестите поврзани со цигарите.
Друг фактор кој треба да се земе предвид е фактот дека белите дробови целосно созреваат меѓу 20 и 25 години, а по по 35-тата функцијата на белите дробови полека почнува да слабее и дишењето постепено да станува се потешко. Тоа се случува бидејќи мускулите со текот на годините ја губат еластичноста, а алвеолите својата форма.
Истражувањето на научници од Школата за јавно здравје во Балтимор покажало дека исхраната во огромна мера влијае на закрепнување на белите дробови по престанувањето со пушење. Токму исхраната може да го намали ризикот за појава на ХОББ кај бивши пушачи, а истовремено го успорува природното слабеење на функцијата на белите дробови. Ова важи за лицата кои никогаш не пушеле.
Резултатите објавени во списанието European Respiratory Journal велат, дека доматот и јаболката се храната која има најголемо влијание кај пушачите кои се откажале од цигари. Магичниот број, тврдат научниците е два домати и три свежи јаболка (или друго овошје) дневно.
