Млади возрасни лица со повисок крвен притисок од нормалниот, но не се уште со виок крвен притисок имаат поголема веројатност дека ќе имаат помал волумен на мозокот од лицата со нормален крвен притисок, укажува студија спроведена во Германија.
Веќе подолго време постои мислење дека високиот крвен притисок може да влијае на мозокот. Оваа студија докажала дека во сивата маса на мозокот кај младите возрасни лица на кои никогаш не им бил дијагностициран висок крвен притисок, може да се видат суптилни промени. Сивата маса на мозокот ги содржи повеќето неврони на мозокот кои се важни за широк распон на функции.
Помалиот волумен на сивата маса е воочен во бројни подрачја на мозокот, вклучувајќи го фронталниот и париетален лобус на мозокот, хипокампус (важен за помнењето), амигдала (центар за емоции) и таламус (важен за моторички вештини, спиење и сензорна сигнализација).
Како крвниот притисок се зголемувал, така се намалувал волуменот на сивата маса во мозокот.
Резултатите на студијата укажуваат дека лекувањето на високиот крвен притисок или одржувањети на пониско низво на крвниот притисок во раниот возрасен животен период може да биде клучно за спречување на тивките промени во мозокот.
Се смета дека идни исѕтражувања треба да утврдат може ли раното намалување на волуменот на сивата маса да го зголеми ризикот од мозочен удар, деменција и други цереброваскуларни болести, подоцна во животот.
