Овој зелен лиснат зеленчук содржи многу малку калории и масти, а многу растителни влакна, па затоа е одлична храна која има за цел да го контролира холестеролот и телесната тежина.
Содржи бројни фитонутриенти, кои делуваат превентивно против разни болести. Блитвата е одличен извор на витамин К. Во 100 грама блитва има седум пати поголема количина на овој витамин од дневно препорачаната потреба за него. Витаминот К игра улога и во одржувањето на здрави коски. Доволното ниво на витамин К во исхраната помага да се заштити мозокот од оштетувања, па затоа се препорачува во исхраната кај болните од Алцхајмерова болест. Листовите блитва се одличен извор на антиоксиданти и витамин Ц (100 грама обезбедуваат 33 % од препорачана дневна количина). Блитвата е богата и со комплекс на витаминот Б, како и со витамин А и неговите прекурсори, антиоксиданти, како што се бета-каротенот, лутеинот и зеаксантинот.
Се смета дека редовното консумирање блитва помага и при превенцијата НА кардиоваскуларните болести и некои болести на дебелото црево.
Богата е со минерали како што се бакар, калциум, натриум, калиум, железо, манган, кои играат значајна улога во контролата на крвниот притисок, формираат антиоксидантен ензим супероксид – дисмутазе, како и за формирање на црвени крвни зрнца и оксидација на клетките. Интересно е тоа што блитвата е извор и на омега-масни киселини.
