Кафеави, зелени, сини, сиви, лешник или нешто помеѓу споменатите бои, бојата на очите може да каже многу за вас. Бојата на очите може да открие некои предиспозиции кон одредени заболувања или да предвиди како вашето тело реагира, на пример, на алкохол. Ова се работи што бојата на очите кажуваат за здравјето.
Меланомот е почест кај лицата со сини очи
Според генетиката, меланомот и витилигото изгледаат како да се спротивности, бидејќи истражувањата покажуваат дека варијациите кои делуваат како заштита од виталигото, го зголемуваат ризикот од развој на меланом. Една од теориите е: витилиго е автоимуно заболување, што значи дека нашиот природен имун одговор го напаѓа нашето тело. Прекумерната активност на тој одговор може да биде она што лицата со кафеави очи ги прави поподложни на ова заболување, а помалку подложни на меланом. Точната поврзаност не е позната, но се чини дека гените кои штитат од развој на витилиго, оние кои штитат од развој на меланом и оние кои ја диктираат количината и видот на пигментот на кожата, всушност се меѓусебно испреплетени.
Витилигото е поредок кај лицата со сини очи
Истражувањата покажуваат дека витилиго, автоимуно заболување кое предизвикува губење на бојата на кожата (најчесто појава на бели флеки на различни делови на телото), поретко се јавува кај лицата кои имаат сини очи. Истражувањата покажале дека варијациите во два одредени гени, ТИР и ОЦА2, а кои имаат важна улога во сината боја на очите, исто така ќе го намали ризикот од витилиго.
Лицата со темни очи може да бидат чувствителни на алкохол
Неверојатно, но вистинито, доколку имате кафеави или црни очи, истражувањата покажуваат дека сте чувствителни на алкохол. Исто така, жените со зелени и сини очи имаат поголема резистенција на алкохолни пијалоци, но кај нив доаѓа до поголема злоупотреба на алкохолот.
Жените со светли очи подобро поднесуваат болка
Жените кои имаат посветла боја на очи (сини, зелени, лешник и варијации на споменатите бои), имаат поголема толеранција на болки и непријатности. Иако истражувањата за ова се прелиминарни, научниците веруваат дека еден ден ќе ги откријат генетските причини за болката.
Лицата со светли очи се подложни на сенилна дегенерација на ретината
Една од најчестите причини за губење на видот по педесеттите е сенилна дегенерација на ретината, оштетување на мал дел од окото блиску до центарот на мрежницата, а кое е одговорно за изострување на видот. Истражувањата покажуваат дека, покрај пушењето и семејната историја на болести, светлите бои на очи го зголемуваат ризикот од сенилна дегенерација.
