Се проценува дека една од две жени и секој четврти маж постар од 50 години ќе има скршеница на коски поради остепороза. Проф. Тамара Вокс, директор на Клиниката за остепороза и метаболни болести при Универзитетот во Чикаго, советува да ги проверите тивките знаци и да отидете на мерење на густина на коските.
- Сте станале пониски
Дали здолништата одеднаш ви изгледаат подолги, а панталоните одеднаш се влечат по чевлите? Измерете го намалувањето така што моментална висина ќе ја споредите со онаа што сте ја имале во дваесеттите години. За жените, губење на висина од 3-5 сантиметри може да биде знак за остеопороза. Мажите кои изгубиле висина од 5-7 см што ја имале во дваесетите, имаат причина за загриженост.
- Ги губите забите
Забите може да испаднат кога коската на вилицата е слаба. Иако губењето на забите може да биде симптом на други болести, разговарајте со вашиот лекар и направете тест за густина на коските.
- Лошо држење или грпка
Кога коските во ‘рбетот не можат да ја издржат телесната тежина, тие се искривуваат, предизвикувајќи подгрбавено држење. По голема загуба на калциум, пршлените почнуваат да попуштаат и се формира грпка. Грпката е сигурен знак дека коските во ‘рбетот се слабеат.
- Генетика
Доколку некој во вашето потесно семејство има остеопороза, можеби имате предиспозиција за оваа болест.
“Генетиката несомнено игра голема улога, но се зависи од многу фактори“, вели д-р Вокс. Останатите ризик фактори вклучуваат пол, раса, статус на менопауза и телесна тежина. Ако некој од потесното семејство има остеопороза, се препорачува да се направи скрининг за коскената густина што е можно поскоро. Вашиот лекар може да препорача промени во исхраната, лекови, додатоци на калциум и режим на вежбање.
Имате остеопенија
Кажано ви е дека имате ниска густина на коските – остеопенија. Ниската густина на коските едноставно значи дека нивната густина – количината на калциум и минерали во вашите коски – е помала од просечната. Сепак, тоа не значи дека ќе развиете остеопороза. Ако имате остеопенија, д-р Вокс предлага редовни тестови за густина на коските за да ја откриете остеопорозата пред да дојде до фрактура. Некои лекови, додава таа, исто така може да ја забават прогресијата на губење на коскената маса.
- Скршеница на коските
Ако се сопнете на тротоар, веројатно нема да скршите ниту една коска освен ако немате остеопороза. Лицата со остеопороза можат да скршат коска при пад од височина.
“Ако имате скршеница, тоа често значи дека коските се слаби. Фрактура на зглобот, колкот или грбот од блага траума обично е знак дека треба да ја измерите густината на коските, вели д-р Вокс.
