Високиот холестерол е многу често нарушување и обично нема симптоми. Сепак, ако се појавила болест на периферните артерии (PAD – peripheral artery disease), може да се јават бројни симптоми кои укажуваат дека наталожениот плак или наслаги на крвните садови го отежнува протокот на крв. Лицата со развиен PAD имаат уште поголем ризик од срцев и моочен удар или ампутација на екстремитетите, отколку лицата кои рано го откриле покачениот холестерол и го лекуваат. Симптомите на болеста на периферните артерии често се развива полека, со тек на времето, а ако брзо се развијат или одеднаш се влошат, тоа укажува на сериозен проблем кој бара итно лекување.
НЕКОЛКУ СИМПТОМИ
Симптомите на PAD може да вклучуваат грчеви, замор, болка во нозете во текот на активности или вежбање, што се нарекува непријатност во нозете и стапалата, а како болест анапредува, симптомите се јавуваат почесто и во мирување.
Но, на нозете има и знаци кои упатуваат дека треба да отидете на лекар – чувство на печење во ножните прсти, задебелени нокти на нозете и прсти кои стануваат сини. Знаци кои исто така може да укажуваат на периферна артериска болест се бледило или сјај на кожата на стапалата и нозете или, на пример, чиреви на нозете и стапалата кои не зараснуваат или заздравуваат многу бавно, болка во нозете што не исчезнува при мирување, намален раст на влакна на нозете и постудена потколеница или стапала во споредба со другата нога.
ПРОВЕРКА НА ХОЛЕСТЕРОЛОТ
Кардиолозите препорачуваат сите возрасни лица да го проверуваат холестеролот без оглед на возраста, дури и кога се чувствуваат добро. Испитувањето треба да се повторува на секои пет години или почесто ако тестот покажал високо ниво. Исхраната, физичката активност и лековите на рецепт ефикасно го држат холестерол на нормално ниво.
