Ретината (мрежница) е уникатен дел од телото кое дава можност на лекарите внимателно да ги испитаат нервите и крвните садови без да е потребна хируршка интервенција. Тоа ги прави рутинските прегледи на очите многу полезни при идентификувањето на медицински проблеми во самиот почеток на нивниот развој.
Рак
Дијагностицирањето на очите може да го спаси животот. За време на очниот преглед лекарите може да откријат мозочни тумори, рак на дојка или белите дробови. Крварењето со ниска интензивност во ретината може да му предочи на лекарот дека пациентот има леукемија. Офталмолозите може да откријат мозочен удар врз основа на промените кои се појавиле во видното поле на пациентите.
Мултиплекс склероза
Оптичниот неврит може да биде показател на мултиплекс склероза – заболување на нервниот систем. Ова заболување се појавува кај 75% од пациентите со дијагностицирана мултиплекс склероза, а кај една четвртина од случаите е ран симптом на ова заболување. Сепак, дури и ако имате дијагностицирано воспаление на оптичниот нерв, не е сигурно дека боледувате од мултиплекс склероза.
Ревматоиден артритис
Околу 25% од пациентите со ревматоиден артритис имаат проблеми со очите, а сувото око е најчест симптом на ова заболување. Доколку пациентот има воспаление на ирисот, во траење од 12 до 18 месеци, тој најверојатно ќе биде дијагностициран со артрит. Тоа се случува бидејќи лицата кои имаат инфламаторна болест која ги зафаќа малите зглобови, имаат високо ниво на хемикалии во крвта кои предизвикуваат воспаление, и понекогаш овие супстанци се складираат во очното јаболко.
Висок крвен притисок
Оштетувањето на крвните садови, како и проблемите со функционираењто на артериите, може да бидат знак дека лицето сттрада од висок крвен притисок. Со истражување е докажано дека постои поврзаност помеѓу срцевите заболувања и стеснувањата на малите крвни садови во ретината. Дури и ако на некое лице не му се дијагностицирани почести симптоми на срцева слабост, проблемите со очите може да помогнат при идентификуваето на таквата дијагноза како висок крвен притисок.
