Американски научници развиле метода со помош на различни бои на светло ја намалува мозочната активност, со што би можело да се лекуваат болести како епилепсија, Паркинсонова болест, како и некои повреди на мозокот.
Со оваа техника се стишуваат преактивните невронски кругови во мозокот, а на научниците им помогнала да сфатат дека различни сетови на неврони заедно работат со цел на исполнување на некои мозочни функции.
Еден од авторите на ова истражување, проф. Ед Боуден, објаснил дека неговиот тим моментално проучува невронски патишта за дасе открие како тие меѓусебно се согласуваат.
“Оваа техника ќе ни помогне да сфатиме како треба да се контролираат невронските кругови, поради што ќе можеме подобро да сфатиме и да лекуваме пореметувања на мозокот, што моментално претставува една од најголемите медицински потреби во светот“, објаснил д-р Боуден.
Истражувачите создале нервни клетки на мозокот, неврони кои во себе имаат два гена, кои создаваат протеини кои се активираат со светло. Активноста на тие неврони се блокира откако ќе се изложат на жолто и сино светло, оти се активираат протеините кои спречуваат нервен пренос низ тие неврони. На овој начин, велат научниците, може да го програмираме мозокот да со помош на различни бои на светло, открие, и по можност, да ги исправи “расипаните“ невронски кругови, поради кои се развива болеста.
